Joséphine Bacon mista-minuatamu e ashu-tipatshimut ka tipatshimushtuakan. E uauitaki innu-aimunu shaputue tipatshimu ka ishi-uauitamuakan.kie ka ishi-tipatakanit.
Anite uetshipaniti tauapekaikana : « Sans titre » - Matiu (Matiu)
NE E UAUITAKANIT
Société de Communication Atikamekw Montagnais
KUPANIESHAT
Tipatshimun : Ka tipatshimunanut anite e ashupanitakanit, tutakanipan ne peikuau ka tshishkutamatunanut tan tshe ishi-tutakanit kie tshe ishinakutakanit atusseun ‘Kaimitunanut’ ua ashupanitakanit. Ekute atussepanat kutunnu innuat mishue uetshipaniht nete Saguenay itetshe nuash anite tshiuetinit mamit. Tutamupanat kie pimipanitapanat nenua utipatshimunuaua ka uauitahk eshinniuniti innua mak ne e aimuatakanit innu-aimun mak innu-aitun.
Nete kanatutakanit CKAU tutakanu kie takuaimatakanu anite Terre innue mashinaikanitshuapit, ashit anitshenat uitshiaushiuat Patrimoine Canada, Mashinaikanitshuap Tshakapesh, Transistor Média, Studio Makusham, Pal Airlines, Espace Agara mak SOCAM. Ne ka tutakanit atusseun, ui uitshiaushinanu tshetshi eshku taht anitshenat ka tipatshimuht, ka aiatshimuht, tshetshi eshku takuak innu-aimun kie ne innu-aitun mak tshetshi tshikanakuaki kie eka animunanut tshetshi natutakanit mak ashit, ui tutakanu tshetshi tapishiniht innuat muku ua ishinniuht.
Neme takuatshi-pishimu nishutshishemitashumitannu ashu kutunnu ashu peikushteu, anitshenat ka kutunnueshiht auenitshenat, tan ua tatupipuneshiht kie mitshetuait anite uetshipaniht anite itetshe ka tipatshimunanut ka tapishiniht, mamuitupanat nete Mani-utenamit anite ‘Studio Makusham’ tshetshi tshishkutamuakaniht tan tshe ishinakutaht nenu tipatshimunnu ua ashupanitakannit. Nenua tshishkutamakupanat Boris Proulx mak François Larivière, ka atusseht nete Transistor Média. Katshi tshishkutamuakaniht, mitshet anitshenat ka tshishkutamuakaniht tutamupanat umenua tipatshimuna ute ka takuaki. Tshishkutamatishupanat ussi-tshekuana kie atusseshtamupanat tshetshi kanuenitakannit innu-aitunnu mak innu-aimunnu.
Partenaires
